Fiksi u interesua në Ujësjellës Kanalizime Shkodër ku administratori Mark Molla u shpreh se ujësjellësi i fshatit është edhe i vjetër pasi është ndërtuar në 1975, është bërë dhe një rikonstruksion në kohën e ish komunës, dhe pas reformës territoriale aty nuk ka pasur asnjë ndërhyrje. Shkak sipas z. Molla për ndotjen e ujit është përroi i cili nga rreshjet e shiut ka prurje të mëdha të cilat bashkohen me ujin e pishëm dhe e ndotin atë. Ai shtoi se pas protestës së banorëve institucionet zinxhirë janë vënë në punë për të bërë të mundur përfundimisht ndarjen e ujit të pijshëm nga përroi. Ai pohoi për Fiks Fare se brenda verës, në qershor problemi do të marrë zgjidhje. "Kemi pasur një bashkëpunim shumë të mirë me AKUM- në Tiranë dhe jo pa qëllim ka qenë dhe një ekip i përfaqësuar nga zëvendësdrejtori, i Drejtorisë së Përgjithshme të AKUM-it, Flauers Shoshi dhe nga inxhinierët e Drejtorisë Teknike të AKUM-it për këtë problem. Dhe nga dje është vënë në lëvizje nga ana procedurale teknike dhe administrative, për ndarjen përfundimisht të ujit të pijshëm nga përroi" përfundoi z. Molla.