1500 naftëtarë rrezikojnë pensionin për faj të Albpetrol. Kompania nuk lëshon vërtetimin e posaçëm ,të cilin e ka detyrim ligjor.Mungesa e këtij vërtetimi ka bërë që 1500 naftëtarë të rrezikojnë pensionin e këtij viti. Vërtetimi përmban pozicionin e punës i cili është i domosdoshëm për personat që duan të përfitojnë pensionin e parakohshëm. Drejtori i Institutit të Sigurimeve Fier tregon se në kompaninë Albpetrol janë 1500 punëtorë që presin të marrin këtë vërtetim dhe nëse nuk pajisen deri në datën 5 korrik e humbin pensionin e këtij viti. Ai thotë se Albpetrol e ka detyrim ligjor ta lëshojë këtë vërtetim për punëtorët e vetë për aq kohë sa është statusi aktiv. Kompania Albpetrol për emisionin Fiks Fare shpjegon se për këtë çështje ka patur një ngërç për të cilin ka nisur zgjidhja dhe të gjithë personat fizik do të pajisen me vërtetimin për të përfituar pensionin e parakohshëm deri në datën 5 korrik .