Shkon në 663 numri i të prekurve në vend nga covid-19. Ministria e Shëndetësisë bën me dije se janë 29 raste të reja dhe 29 të shëruar në 24 orët e fundit. 13 nga rastet e reja i përkasin një vatre në një institucion të vuajtjes së dënimit, ku po vijon hetimi epidemiologjik, pas zbulimit të rastit të parë. 7 raste pozitivë janë në Krujë dhe 2 raste në Shkodër. Dr. Rovena Daja nga Instituti i Shëndetit Publik dha detajet: Ju informojmë për situatën e deritanishme të përhapjes së COVID19 në vendin tonë: Në 24 orët që lamë pas rezultatet e situatës epidemiologjike janë si më poshtë. Janë testuar 240 persona të dyshuar me COVID-19.