Kreu i Vetëvendosjes, Albin Kurti ka nisur kalkulimit për formimin e kabinetit të ri qeveritar që e detyron të futet në koalicion me partitë opozitare, pasi nuk mund të qeverisë i vetëm. Zgjedhjet e 9 shkurtit e nxorën fitimtar partinë në pushtet duke i siguruar 48 mandate, por nuk i dhanë shumicën duke mos e lejuar të qeverisë e vetme. Të hënën, Albin Kurti i ka dërguar ftesë Lidhjes Demokratike të Kosovës për një takim për të negociuar një koalicion të mundshëm. Në një postim në rrjete sociale, kreu i LDK, Lumir Abdixhiku ka refuzuar ftesën e Kurtit për një takim dypalësh për të negociuar. Kryetari i Lëvizjes Vetëvendosje, Albin Kurti, ka takuar përfaqësues të komuniteteve joshumicë që kanë siguruar deputetë në Kuvendin e Kosovës, me përjashtim të Listës Serbe. Koalicioni më i mundshëm për krijimin e qeverisë është me Fatmir Limajn e Nismës. Në fakt, kreu i Nismës është “kingmaker” për qeverinë e ardhshme. Ethet e pushtetit kanë nisur me opozitën që shpreson që Kurti nuk do të mundet të formojë qeverinë. A do të shkojë Kosova sërish në zgjedhje?