Ndërsa në Gjykatën e Pogradecit u dha masa arrest me burg për Ilir Berberin i njohur si Lili i Rrushkës, një prej organizatorëve të ngjarjes së rëndë që ndodhi në Tushemisht ku u qëllua në drejtim të një hoteli plot me pushues, numri i të arrestuarve që kanë lidhje me këtë ngjarje shkoi në 7. Meard Berberi i cili ishte shpallur në kërkim u arrestua si një tjetër organizator i ngjarjes që kishte si qëllim vrasjen e djalit të pronarit të hotelit dhe Ervin Kalaja i cili e kishte strehuar dhe ndihmuar Berberin që të fshihej ndërsa Anterio Kaloshi, i shumëkërkuar për vrasje të dyfishte dhe i njohur si shoku i Orges Bilbilit sipas policisë ra në pranga pasi është ekzekutor në këtë ngjarje. Në zonën e Linzës në Tiranë, në një garazh që shërbente si bazë për strehimin e këtyre personave policia gjeti një arsenal armësh e municionesh, dokumenta të falsifikuara dhe vlera monetare.