Emisioni Fiks Fare ka transmetuar mbrëmjen e të premtes një ankesë të referuar për mos përfundimin në kohë të shkollës 9-vjeçare “Azem Hajdari” në Babrru. Investimi prej 492 milion lekësh ka mgel pezull, pasi ka patur vonesa në tenderin që është hapur për mobilimin e shkollës. Për këtë arsye ajo nuk inagurohet. Në këto kushte 600 nxënësit e saj prej më shumë se dy vitesh po vijojnë mësimin në një shkollë tjetër e cila ndodhet në Paskuqan. Çdo ditë këta fëmijë udhëtojnë më autobusin e shkollës drejt gjimnazit “ Isa Boletini” në Paskuqan, ku zhvillojnë mësimin pas orës 13:00 , pra turn i dytë. Projekti i ndërtimit të shkollës ishte parashikuar të përfundonte në shtator të këtij viti dhe 600 nxënësit e saj të fillonin vitin e ri shkollor aty. Kjo ka ndodhur për shkak të vonesës për tenderin e mobilimit të shkollës të cilin një prej oepratorëve e ka apeluar vendimin dhe ka çuar në zgjatjen e afateve.