1 janari i ka pasur dhe ai peripecitë e tij: në kalendarin Gregorian, sistemi më i përdorur kalendarik sot në botë, kjo është dita që shënon Vitin e Ri, e kështu ka qenë dikur edhe në atë romak. Gjatë mesjetës, në Europë, kur ende përdorej kalendari Julian, autoritetet e kohës e kishin spostuar sipas vendit, një pjesë në 1 mars, të tjerë në 1 shtator, disa e kremtonin në 25 dhjetor. Fillimi I 1582-shit, kur hyri përfundimisht në përdorim kalendari Gregorian, bëri që në botën perëndimore e përtej saj, kjo ditë të fiksohej një herë e përgjithmonë në 1 janar, ashtu sic e kremtojmë ne sot. Padyshim, kultura të tjera kanë edhe zakonet e traditat e tyre, ndaj dhe kemi vit të ri kinez, islamik, japonez apo hebraik, e India dhe vende të tjera gjithashtu, kanë data të tjerë për festimet.