Mourinho, kritika të ashpra Di Marias
15/01/2013 16:40
Mourinho, kritika të ashpra Di Marias
“Më pëlqeu skuadra dhe nuk kam asnjë kritikë”, tha Jose Mourinho pas barazimit 0-0 mes Realit të Madridit dhe Osasunës, por në të vërtetë tekniku portugez i madrilenëve po gënjente para mediave.

Sipas gazetës spanjolle ‘Marca’, Mourinho ka shkarkuar nervat e tij mbi Angel Di Maria, një nga futbollistët që këtë sezon nuk po shfaq nivelin e tij të zakonshëm.

Pas përfundimit të takimit, në dhomat e zhveshjes, “The Special One” iu drejtua argjentinasit me këto fjalë: “Nuk po luan më. Kur merrje më pak para’, vrapoje shumë. Tani që ke rinovuar kontratën, nuk po vrapon fare.”

Ka kohë që Jose Mourinho është i pakënaqur me Di Marian dhe këtë e tregon fakti se nga titullar i padiskutueshëm, sulmuesi i krahut është ulur rregullisht në stol.

Trajneri portugez është i pakënaqur me rendimentin e shumë prej futbollistëve të Realit dhe Di Maria është i fundit që i shtohet listës. Më parë Mourinho është përballur me lojtarë kryesorë të skuadrës si Ozil, Benzema, Sergio Ramos dhe Iker Casillas.
/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.