Policia spanjolle në bashkëpunim me Europol çmontoi një organizatë kriminale që merrej me prodhimin e monedhave false me vlerë 2 euro. Rrjeti drejtohej nga kinezë dhe sipas autoriteteve ky ishte një nga operacionet më të mëdha në dekadën e fundit të zhvilluar në Europë në këtë fushë. Në pranga përfunduan 10 persona, të cilët akuzohen se kanë future në tregun spanjoll rreth 100 mijë euro të falsifikuara dhe rreth 400 mijë të tjera në atë europian. Falsifikimi bëhej në cilësi të lartë duke e bërë të pamundur identifikimin. Hetimi nisi në vitin 2018. Por për shkak të vështirësisë hetuesit e patën të pamundur identifikimin e pjesëtarëve të grupit kriminal. pas afro gjashtë vitesh agjentët mundën të binin në gjurmët e grupit dhe të zbulonin brenda një magazine në provincën e Toledos makinerinë që merrej me prodhimin e monedhave.