Nganjëherë lidhemi aq shumë me një personazh filmi sa nuk hezitojmë që dhe fëmijëve tanë ti quajmë si personazhi ynë i preferuar. Së fundmi në Gjermani, sipas autoriteteve gjermane të qeverisjes lokale seriali “Game of Thrones” ka ndikuar edhe në emrat e foshnjave. ”Që prej vitit 2006, emri John del 365 herë i përdorur si emër i parë ose i dytë në regjistrin e të dhënave. Arya, emri i kushërirës së John, u është vënë 250 vajzave në Gjermani. Edhe Shqipëria nuk bën përjashtim nga ky trend . "Wake Up" bëri një kërkim në regjistrat e INSTAT dhe vumë re nga kërkimi ynë se në shumicën e rasteve emra të tillë nuk përshtaten fare me kulturën tonë, madje tingëllojnë ҫuditshëm edhe në shqiptim. P.sh. Emri John që është kaq shumë i përhapur se fundmi në Gjermani për shkak të serialit Game of Thrones në fakt shqiptohet Gjon një emër tipik shqiptar por prindërit shqiptarë në 10 vitet e fundit preferojnë që fëmijën e tyre ta quajnë JOHN në regjistrat e gjendjes civile dhe jo GJON siç është realisht ky emër në shqip. Dhe raste të tilla ka shumë...