Kryeqyteti i Belgjikës nuk është më belg, popullsia atje është zëvendësuar- Elon Musk del me një tjetër deklaratë që padyshim, nuk do të kalojë pa shkaktuar diskutime të zjarrta jo vetëm në rrjët. Miliarderi amerikan dhe pronari i Tesla-s i bëri këto komente pas rezultateve të një ankete nga portali belg “Immigratiebarometer”, i cili monitoron çështjet demografike dhe emigracionin në vend. Portali në fjalë nenvizon se që nga viti 2018, në Belgjikë ka pasur mesatarisht çdo vit rreth 56 mijë ribashkime familjare. Në analizën e tij, bashkimi familjar mbetet kanali kryesor i emigracionit për të hyrë në këtë vend. Trendi pati një rënie të përkohëshme gjatë pandemisë së Covid 19, pas së cilës u rrit sërish. Mario Naëfal, themelues i Grupit IBS, i cili vuri në dukje se pothuajse tre nga katër fëmijë në Bruksel tani janë me origjinë jo-europiane, cka sipas tij ndryshon rrënjësisht përbërjen e popullsisë së qytetit dhe ka pasoja të thella sociale. Komenti i Muskut duket ishte një reflektim mbi insistimin e Naëfal, se shumica e të miturve tani nuk kanë origjinë belge, duke riformësuar kështu popullsinë e ardhshme. Musk ka qenë kritik ndaj emigracionit në të kaluarën, duke pretenduar se politikanë në Europë dhe Shtetet e Bashkuara po “importojnë një bllok votuesish të majtë që varen sipas tij nga ajo qe e quan “lëmosha qeveritare”.