Aksidenti i ndodhur me dy artistë të Cirkut Kombëtar gjatë provave të shfaqjes "Katedralja e Parisit" është raportuar dhe pranë zyrës së Inspektoriatit të Punës. Këtë e konfirmoi edhe Irena Gjoka, Përgjegjëse e Sektorit të Inspektimit të Sigurisë në Punë. "Ne si Inspektoriat jemi njohur me rastin në fjalë dhe menjëherë kemi ngritur një grup pune që ka hetuar ngjarjen. Siç dhe kemi konkluduar aksidenti ka ndodhur për shkak të kushteve teknike tejet të amortizuara të Cirkut Kombëtar. Ne si inspektoriat i kemi kërkuar drejtuesve të Cirkut Kombëtar, të investojnë dhe të përmirësojnë kushtet për të vijuar me shfaqjet"- tha ajo.