Në Greqi protestohet për reformën që ka ndërmarrë qeveria për pensionet, por siç raporton gazetari ynë atje Artur Bibe, shqiptarët që duket se janë dhe më të prekurit nga skema e re po tregohen shumë pasiv. "Ky ligj vjedh kontributet e shtresës më të varfër në Greqi dhe prek përgjithësisht emigrantët. Janë rreth 700 mijë emigrantë shqiptarë që preken direkt nga skema e re dhe ajo që të vjen keq është fakti se shqiptarët janë shumë pasiv. Shqiptarët janë të parët kur bëhet fjalë për tallava e ndërkohë për të protestuar për të drejtat e tyre janë të fundit"- u shpreh gazetari Bibe.