Barbana Dini sapo ka publikuar klipin e saj më të fundit dhe padyshim më të rëndësishmin në jetën e saj. Kënga titullohet "Ku je" dhe vjen si një premtim ndaj vëllait të saj Ergi, i cili u nda nga jeta disa vite më parë. Në këtë klip shumë emocionues, për herë të parë dhe të fundit motër e vëlla shfaqen dhe këndojnë së bashku. Kënga është publikuar në 15 tetor, datë kur Ergi do të festonte edhe ditëlindjen e tij (do të bënte 25 vjeҫ). Muzika e kësaj kënge është realizuar nga Ergi dhe teksti nga ai dhe Pandi Laҫo dhe kishte rreth 4 vite që ishte thuajse gati për t'u publikuar. Edhe pse është e dhimbshme, kjo këngë është një nga kujtimet më të bukura për familjen e Barbanës. Përjej kësaj kënge, ajo vijon edhe me projektet e saj të tjera artistike, me këngë dhe koncerte.