Vlorë- Një makinë është shkrumbuar nga flakët orët e para të mëngjesit të sotëm në Vlorë. Ngjarja ka ndodhur rreth orës 03:25, në lagjen “Kushtrimi”, Vlorë, ku ka rënë zjarr dhe është djegur një automjet i markës “Toyota”, në pronësi të Ermal Hoxhës, 32 vjeç, banues në Vlorë. Mësohet se pronari i makinës punon në Hipotekën e Vlorës, por sipas familjarëve ai nuk ka asnjë konflikt me persona të tjerë. Ndërkohë motra e Ermal Hoxhës, punonjësit të hipotekës që iu dogj makina në Vlorë ka folur në lidhje me ngjarjen, ka deklaruar se zjarri mund të jetë vënë nga ish bashkëjetuesi i saj. Ajo pretendon se kjo ka ardhur për shkak se ish bashkëjetuesi i saj kërkon që t’i marrë djalin duke pretenduar se nuk ka sigurt pranë familjes ku jeton aktualisht. Sipas saj shkak mund të jetë bërë beteja ligjore e saj për kujdestarinë e fëmijëve, pasi ajo përballet në gjykatë për të zgjidhur ligjërisht martesën. “Ishte ora rreth 03:00 e mëngjesit dhe dëgjova alarmin e makinës. Kur dal përjashta kishte marrë flakë makina. Njoftova familjen dhe makina mori flakë direkt. Erdhi policia pas 20 minutash. Ermali nuk ka konflikte interesi dhe nuk ka shkel asnjë. Unë e deklaroj hapur se kam një proces gjuhësor me bashkëshortin tim kam 6 vjet. Gjyqin e kam me datën 9 shkurt. Si çështje dhe dyshoj se kjo ka ardhur nga ish bashkejtuesi im. Mund ta ketë bërë këtë për të marr djalin tim. Se ka 6 vjet. Nuk ka arritur dot ta marrë. Dhe thotë që fëmija nuk ka siguri të jetojë atje.” ka thënë Sajmira Hoxha.