Kryetari i Bashkisë së Tiranës, Erion Veliaj, ishte në Njësinë 4, ku komentoi programin social të Partisë Demokratike, të cilin e cilësoi si një rikthim në kohën e Spiro Kserës dhe Xhelal Mziut, kur ndihma ekonomike jepej për pasanikët me vila dhe nevojtarët prisnin lëmoshën e radhës. “Iu thashë konsulentëve të Lulit, se ne jemi të bindur që ai mendon dhe gatuan vetëm për familjen e tij. PD-ja thotë të kthehemi ku ishim, kur ndihmën ekonomike e merrte Xhelal Mziu dhe pasanikët e Kamzës, që shpërndahej nga të gjithë komunarët e PD në Kashar, në Farkë. Vetëm fukarai nuk merrte asgjë. Lista e kredive të buta shpërndaheshin për deputetë, zv/ministra dhe vrasës me uniformë. Këta ishin shtresa sociale e PD dhe propozimi i Lulit është të kthehemi ku ishim,” Kryebashkiaku tha se nuk duhet harrur se cfare kane bere Lulzim Basha dhe Monika Kryemadhi kur ishin ne pushtet. “Mona dhe Luli duan që populli të harrojë: të harrojë Gërdecin, 21 Janarin, bllokun e Ilir Metës dhe ’97-ën e Saliut. Ata e kanë vënë bastin se ne harrojmë bëmat e pronarëve të tyre, të Metës dhe të Saliut. Ne e kemi vënë bastin që populli kujton dhe nuk vuajmë nga amnezia. Për sa kohë që kemi vënë bastin te kujtesa, duhet që këto 10 javë të jenë javë kujtese. Si ishin gjërat, si po punohet, si janë transformuar, dhe e ardhmja e punët që na presin”.