Cikli "Fshatrat e Shqipërisë", në drejtimin e Ilnisa Agollit ngre siparin e historikut dhe jetesës në Tushemisht të Pogradecit. Është ky fshati i parë qe revolucionin e pati nga filmi i Pirro Milkanit "Zonja nga Qyteti". Megjithatë edhe pse bujtinat kanë lulëzuar, varfëria e Tushemishtarëve të vjetër është ende aty. Mjafton të këmbesh fjalë me banorët që shquan në rrugicat e bukura të fshatit që Zoti nuk i ka kursyer asgjë. Agolli, do të na tregojë se si mund të kalojmë një ditë të plotë aty, duke ecur, dalë për gjueti në liqen, si të gatuajmë një tavë Korani, vizituar cep me cep banorët në shtëpi dhe u njohur me historinë e Dhimitër Mishës, priftit që u vra nga serbët në oborrin e Kishës së Shën Pandelimonit sepse shkruante shqip. Këto dhe shumë të tjera në Tushemishtin që mbetet i vetmi fshat në Shqipëri me një frymëzim te pashoq e motive të cilat nuk i gjen askund vecse përbri liqerit që mesa duket...ende dremit.