Transformimi i Poliklinikës së Vlorës është pasqyruar përmes publikimit të disa fotove në facebook, nga kryeministri Edi Rama. Rama ka thënë se pavarësisht këtij ndryshimi që ajo ka pësuar, në sistemin shëndetësor ka ende punë për të bërë, duke theksuar gjithashtu se betejën e zhdukjes së ryshfetit dhe abuzimit nga sistemi, mund ta fitojë veç qeverisja e tij. Kjo ishte për dekada e dekada, Poliklinika e Vlorës dhe kjo është sot, shkruan rama, por natyrisht s’ka mbaruar as puna për transformimin rrënjësor të krejt infrastrukturës së shëndetësisë, njësoj si këtu, as beteja për pastrimin me rrënjë nga sistemi shëndetësor i qelizave kanceroze të rryshfetit e abuzimit! Po kush tjetër përveç nesh, ka vijuar kreu i qeverise, mund ta vazhdojë këtë punë e ta fitojë këtë betejë? Askush tjetër natyrisht dhe kush nuk e kupton këtë, nuk kupton as se sa shumë që ka për të humbur…