Reshjet e dendura të shiut që kanë vazhduar përgjatë gjithë ditës në Vlorë kanë shkaktuar përmbytje në disa zona të qytetit. Lagja Pavarësia dhe zona e Skelës kanë përfunduar nën ujë. Shirat dhe erërat e forta kanë vështirësuar qarkullimin e mjeteve, duke shkaktuar trafik në rrugë, pasi dendësia e shiut ka mjegulluar edhe qartësinë e shikimit për të gjithë drejtuesit e mjeteve. Nga krahu tjetër banorët e gjendur nën pushtetin e ujti nuk mundën të dalin as nga shtëpitë e tyre. Në terren kanë dalë grupe pune nga ndërmarrja e ujësjellësit në Vlorë, që po punojnë për të stabilizuar situatën.