Kontrollet dhe montiromi i akseve rrugore nga policia kanë vijuar në të gjithë territorin e vendit, duke penalizuar të gjithë drejtuesit që janë konstatuar me shkelje të Kodit Rrugor. Patrullat e policisë rrugore gjatë kontrolleve të ushtruara gjatë 24 orëve të fundit kanë arrestuar në flagrancë 14 drejtues mjetesh, nga të cilët 8 për drejtim mjeti në gjëndje të dehur dhe 6 për drejtim mjeti pa patentë. Po ashtu janë pezulluar 66 leje drejtimi, nga të cilat 48 për drejtim mjeti me shpejtësi tej normave të lejuara dhe 18 për drejtim mjeti nën efektin e alkoolit apo në gjëndje të dehur. Ndërsa në tërësi nga kontrollet në shkallë vendi janë ndëshkuar me masë administrative 2356 drejtues mjetesh, për shkelje të Kodit Rrugor që përbëjnë rrezik potencial për përfshirje në ngjarje rrugore, për parakalime të gabuara, shpejtësi mbi normat e lejuara, përdorim të celularit gjatë drejtimit të mjetit, mosrespektim të semaforit, mospërdorim të kaskës mbrojtëse, mosvendosje të rripit të sigurimit, si dhe për mosrregullim shpejtësie dhe manovra të rrezikshme në rrugë. Në disa raste të tjera ndërhyrja e polcisë ndaj abuzuesve në timon është bërë pas telefonatave të qytetarëve në sallën operative. Në një prej rasteve të identifikuara nga telefonatat, sherbimet e policisë konstatuan se një mjet luksoz në rrugën interurbane Durrës-Tiranë, qarkullonte me shpejtësi të madhe dhe kryente manovra të rrezikshme në rrugë dhe më pas bënë bllokimin e automjetit. Pas testimit të alkoolit rezultoi se drejtuesi i mjetit, një shtetas 27 vjeçar, rezultoi se ishte në gjendje të dehur. Ai është arrestuar në flagrance, është ndëshkuar me masë administrative me 30.000 lekë te reja si dhe ju pezullua leja e drejtimit për një periudhë 20 mujore. Po ashtu në rrugën interurbane Tiranë -Elbasan, janë evidentuar nga radari mjete me shpejtësi qe varionin nga 158 km/orë deri në 175 km/orë. Ndërsa në rrugën intreurbane Fier - Vlorë, nga njësia Operacionale e Policisë Rrugore është konstatuar një drejtues mjeti që lëvizte shpejtësi 136 km/orë, me patentën e pezulluar më herët për përdorim të pijeve alkoolike. Gjatë verifikimit rezultoi se përdorte një patentë angleze të falsifikuar. 25 vjeçarit nga Tirana iu hoq patenta përfundimisht si dhe u procedua penalisht për falsifikim të dokumentave.