Kompania Dominion, prodhuesja e aparaturave për numërimin automatik të votave, ngriti padi për shpifje kundër televizionit Fox News, duke kërkuar një dëmshpërblim prej 1.6 miliardë dollarësh. Në padi, Dominion e akuzon këtë televizion se për të rritur shikueshmërinë e tij në rënie duke pretenduar në mënyrë të rreme se kompania kishte manipuluar zgjedhjet e vitit 2020. Kjo është e para padimpër shpifje kundër një organizatë mediatike nga kompania në fjalë ndaj të cilës u ngriten pretendime të shumta për moskorrektësi me fletët e votimit si nga ish-Presidenti Donald Trump, ashtu dhe nga aleatët e tij pas humbjes së zgjedhjeve ndaj presidentit aktual Joe Biden. Këto pretendime kontribuan pjeserisht në nxitjen e protestuesve që sulmuan me dhunë Kapitolin e Shteteve të Bashkuara në 6 janar, duke shkaktuar vdekjen e pesë vetëve, përfshirë një oficer policie. Dominion argumenton se Fox Neës, që amplifikoi pohimet e pasakta se firma kishte manipuluar votat, "përhapi një histori të rreme mashtrimi zgjedhor në shërbim të interesave të veta financiare, duke dëmtuar rëndë reputacionin e saj. "E vërteta ka rëndësi. Gënjeshtrat kanë pasoja," thuhet në padi. Fox Neës ende nuk i është përgjigjur kerkesave per koment.