Një vullkan në japoni shpërtheu të mërkurën duke ngritur re hiri përvëlues në qiell ndërsa vizitorët në zonë nxituan të largoheshin nga pika popullore turistike. Nuk u raportuan të lënduar pas shpërthimit të këtij mëngjesi në japoninë jugperëndimore. Rrjedha llave u panë të derdheshin faqeve të malit aso, drejt një muzeu aty pranë, por e kursyen ndërtesën. Turistët u paralajmëruan të mos afroheshin pasi vullkani po nxjerr gazra të nxehtë dhe hi që janë ngjitur në kollona në qiell ndërkohë që shkëmbinjtë rrokulliseshin në rrëpira. Sipas mediave lokale, autoritetet nisën një operacion kërkimi për vizitorë që mund të jenë bllokuar apo lënduar, pasi pamjet e transmetuara në televizione tregonin dhjetëra autobusë truristësh dhe mjete të parkuara në muze.