Një komandant ukrainas që po udhëheq mbrojtjen e një qyteti ukrainas, thotë se trupat e tij po përballen me kurajo me rusët që kanë një fuqi zjarri 50 herë më të madhe. Komandanti Petro Kuzyk, tha se pushtuesit po udhëhiqen nga motoja shkrumbo e shkatërro duke rrafshuar fshatra e qyteti para se të marrin kontrollin e tyre. Komandanti i lutet edhe njëherë perëndimit për më shumë armë me qëllim që të ndalet ofensiva ruse. Kuzyk udhëheq një batalion të rojës kombëtare që po mbron qytetin në rajonin lindor të Luhanskut dhe tha se mortajat po u mbaronin. Pas rënies së një qyteti tjetër aty pranë, Rubizhne, ai thotë se mbrojtësit tani kanë përpara një mision thuajse të pamundur. Më shumë se 500 mortaja ruse në orë bien si shi mbi pozicionet e tyre. “Ne kemi informacione se autokolona të mëdha tankesh po na afrohen. Kjo taktikë është testuar...ata shkatërrojnë gjithcka. Kur nuk munden të marrin një qytet, ata e rrafshojnë atë me tokën.