Top Story trajtoi zhdukjen e tre fëmijëve, për të cilët ende nuk ka asgjë gjurmë për gjetjen e tyre. Juliana Hoxha, Nuz Luga dhe Bleona Mataj janë rastet për të cilat Top Story dha detaje për zhdukjen e tyre, si dhe u transmetuan dëshmitë e prindërve. Juliana ende pa mbushur 6 vjec është vajza e parë e rrëmbyer në Shqipëri në vitin 1992. Valentina Hoxha, nëna 67 vjeçare që nuk i ka reshtur lotët për 28 vite rresht. “Në 12 mars të 92 Juliana doli nga shtëpia, kaloi rrugën shkoi te kinkaleria dhe ka blerë dy tullumbace. E pohon edhe shitsja vetë që ka blerë dy tullumbace. E ka pyetur për kë I do? Një e dua për vete një për vëllain. Ka blerë tullumbacet, rrugës duke ardhur për në shtëpi se si është marrë se si është rrëmbyer e di vetëm ajo dhe zoti lartë”. Tre vite më vonë kur akoma nuk kishte asnjë të dhënë për Juljana Hoxhën ngjarja përsëritet me të njëjtat detaje dhe dinamikë, por këtë herë ndryshon qyteti, ngjarja zhvendoset në Durrës. Bëhet fjalë për 4 vjecarin Nuz Luga.