Përmbytjet e mëdha dhe rrëshqitjet e dheut në Nepal kanë vrarë të paktën 148 persona dhe kanë plagosur më shumë se 100 në të gjithë vendin Himalayan, ka raportuar policia. Autoritetet thonë se më shumë se 50 persona janë ende të zhdukur. Banorët treguan se për t’i shpëtuar përmbytjee vrapuan çati më çati ndërsa banesat i merrte uji. Ndërkohë, ekuipazhet janë ende duke kryer misione e shpëtimit me helikopterë dhe gomone. Reshjet e siut parashikohet që të vijojnë deri të martën. Pesë persona, përfshirë një grua shtatzënë dhe një vajzë katërvjeçare, vdiqën pasi u zunë brenda nga një shtëpi që u shemb thanë autoritetet. Ndërkohë të paktën 35 trupa të pajetë u noxrrën nga disa makina që u përmbytën në autostradë. Gjashtë futbollistë u vranë gjithashtu nga një rrëshqitje dheu në një qendër stërvitore. Zëdhënësi i qeverisë i tha Korporatës Televizioni shtetëror të Nepalit se përmbytjet kishin thyer gjithashtu tubacionet e ujit dhe prekën linjat telefonike dhe të energjisë elektrike. Sipas mediave shtetërore, 10,000 oficerë policie, si dhe vullnetarë dhe anëtarë të ushtrisë, janë mobilizuar si pjesë e përpjekjeve të kërkim-shpëtimit.