Ilirjan Celibashi mori zyrtarisht detyrën si kryetar i ri Komisionit Qendror të Zgjedhjeve. Ish-kryetari Klement Zguri mandati I të cilit ka mbaruar tashmë kreun e ri, duke dhënë shembullin e një rorade institucionesh që ndodh rrallë në Shqipëri. Celibashi në një reagim për median u shpreh se KQZ ka një përbërje profesionistësh që do të krijojë besim te qytetarët. Ndër të tjera ai është shprehur se do të punojë me paanshmëri dhe transparencë. "Koha ka bërë që edhe aspekte të tjera të procesit të jenë po kaq të rëndësishme. KQZ ka një përbërje profesionistësh që do të krijojë besim te qytetarët. Do punoj me paanshmëri dhe transparencë. Unë mendoj se edhe në të shkuarën ka patur zgjidhje që jo vetëm janë pranuar nga palët, të paktën kemi 2 rotacione kushtetuese. Zgjedhjet e 2005 dhe të vitit 2013. Faktori ndërkombëtar ka patur vërejtje, por kjo nuk është një situatë kaq e zezë. Ka pasur zgjidhje që kanë marrë edhe vlerësim maksimal nga ndërkombëtarët. Ka pak kohë por s'jemi këtu për t'u justifikuar për për të bërë gjithçka që mund të bëjmë. Do t'ja dalim me bashkëpunimin e të gjithë institucioneve", tha Celibashi. I pyetur për shpejtësinë e numërimit të votave, Celibashi tha se do jetë një tjetër çështje në fokusin e punës së institucionit që drejton. “Edhe kjo çështje që meriton adresim të shpejtë dhe me shumë kujdes nga ana jonë, sepse përdorimi i teknologjisë së informacionit si risi dhe disa procedura kanë atë impaktin e vetë lidhur me kohën e nxjerrës së rezultatit Do bëjmë të mundur gjithçka që na lejon ligji”. Sa për proceset zgjedhore ndër vite, të kontestuara nga palët politike, Celibashi tha se ato nuk mund të shihen të gjitha gri apo të zeza.