Qeveria shqiptare, me propozim të ministrit të Brendshëm Bledi Çuçi, ka vendosur që të zgjasë vlefshmërinë për pasaportat që u ka përfunduar afati. Ky vendimi është marrë për të mos ndaluar pjesëmarrjen në zgjedhjet parlamentare që priten të zhvillohen më 25 prill. Të gjithë personat që nuk kanë kartë identiteti dhe që pasaporta u ka skaduar, mund të votojnë, pasi vlefshmëria e kësaj të fundit është zgjatuar deri në 30 prill. Kërkesa për zgjatjen e vlefshmërisë së kartave të identitetit dhe pasaportave u parashtrua fillimisht opozita por më pas gjeti konsensus edhe nga kryeministri Edi Rama dhe ka si qëllim kryesor pjesëmarrjen në votim të atyre që u kanë skaduar mjetet e identifikimit. Vendimi i kaluar edhe me VKM, është marrë një javë pas vendimit për shtyrjen e afatit edhe për kartat e identitetit.