Në ndërfaqen “Veprimtari të ndaluara” janë regjistruar 201 institucione publike qendrore dhe vendore, si edhe agjenci/ndërmarrje shterërore. Përmes aksesit të personalizuar, personat përgjegjës për drejtimin administrativ të institucioneve kanë raportuar për 119 aktivitete të planifikuara për t’u zhvilluar nga ana e tyre. Deri tani janë bërë kallëzime për 20 aktivitete. Subjektet që kanë bërë kallëzime janë 1 individ dhe 2 persona juridik. Të gjitha kallëzimet janë proces shqyrtimi nga Administrata e KQZ-së, e cila monitoron dhe administron në kohë çdo informacion të raportuar. Ndërfaqja e “Aktivitete të ndaluara” është lehtësisht e aksesueshme nga publiku, media, shoqëria civile dhe çdo i interesuar, për të marrë informacion mbi veprimtaritë e raportuara dhe ato të ndaluara nga KQZ. Publiku dhe çdo palë tjetër e interesuar mund të kallëzojë/ informojë për raste të cilat gjykojnë se janë në shkelje të ligjit. Një nga rastet që u trajtua këtë të hënë nga KQZ ishte një seancë dëgjimore me Arben Qalliun, Drejtor i Drejtorisë Vendore në Lushnje. Seanca dëgjimore u zhvillua në kuadër të procedurës administrative për shkeljet e parashikuara në vendimin nr. 9, të datë 24.12.2020 të Komisionit Qendror të Zgjedhjeve. Procedura nisi pas dy denocimeve të Lëvizjes Socialiste për Integrim në ndërfaqen e “Aktiviteteve të Ndaluara”, në rubrikën “Kallëzo”, për veprimtaritë e deputetit të PS, Qarku Fier, z. Bujar Çela.