Ngërci i krijuar në aeroportin e Rinasit nga kontrollorët e trafikut ajror që me grevën e tyre bllokuan punën, cka solli dhe anullimin e fluturimeve dhe krijimin e një kaosi nga i cili u prekën dhjetëra qytetarë, mori një zgjidhje disi të papritur. Zhbllokimi i fluturimeve në Rinas u arrit të realizohej përmes kontrollorëve të huaj. Autoritetet shqiptare kishin kërkuar ndihmën e vendeve të tjera, dhe reagimet e para pozitive mbërritën nga Turqia e Greqia. Përvec kontrollorëve turq, të mbërritur më herët gjatë ditës sic u tha nga Podgorica, në Shqipëri vijne edhe 8 kontrollorë grekë. Nga sa pohoi ministrja e Infrastrukturës dhe Energjisë, Belinda Balluku, emerjgnete ishte rinisja e fluturimeve esenciale që lidhen me çështje humanitare, shëndetësore, diplomatike, shtetërore dhe ushtarake. Nga e premtja sakaq rikthehen dhe ato komerciale. Kontrollorët që kërkonin rikthimin e pagës në nivelet e mëparshme dhe kthimin po ashtu në punë të disa kolegëve të shkarkuar, deklaruan në bllok paaftësinë për të punuar, me arsyetimin se janë të stresuar dhe kjo ndikon në cilësinë e punës së tyre. Në momentin që kontrollorët e trafikut ajror, ndihen në kushtet e paaftësisë për të ushtruar funksionet në mënyrë të sigurtë, ligjërisht janë të detyruar të deklarojnë paaftësinë e tyre për punë. Shkaku i paaftësisë është fakti se ndaj dy kontrollorëve që deklaruan se ishin të paaftë për punë, nisën procedurat për shkarkimin nga puna. Dhe procedurat e shkarkimit nga puna për një kontrollor që që respekton një detyrim ligjor, ka prodhuar dhe stresin e gjithë kontrollorëve të tjerë të cilët mendojnë se për shkak të këtij respektimi të detyrimit ligjor, mund të rrezikojnë të hiqen nga puna dhe ata. Në këto kushte, të gjithë në mënyrë solidare, u binden se janë në kushtet e pamundësisë për të ushtruar në mënyrë të sigurtë funksionet e tyre të kontrollit”, deklaroi avokati i Sindikatës së Transportit ajror Rezart Kthupi. Greva erdhi, pas një mosmarrveshjeje disa mujore me drejtuesit e Kompanisë Albcontrol, për shkak të ndryshimeve të kushteve të kontratës që në prill të vitit të shkuar, dhe thuajse përgjysmimit të të ardhurave të tyre mujore, si pasojë e rënies së volumit të punës nga pandemia. Burimet financiare të Albcontrol-it, nuk varen nga shteti, por nga sasia e fluturimeve që kryhen në hapësirën ajrore të vendit.