Presidenti Zelensky tha se nuk do ta tradhtojë Ukrainën, duke hedhur poshtw planin e SHBA pwr paqen qw kwrkon lwshime tw mwdha nga ana e Kievit. Në një fjalim drejtuar kombit pasi Shtetet e Bashkuara ia paraqitën Kievit një plan për paqe, i cili mbështet kërkesat kryesore të Rusisë, Presidenti Volodymyr Zelensky u bëri thirrje të premten ukrainasve të jenë të bashkuar. “Ky është një nga çastet më të vështira të historisë sonë. Tani, trysnia mbi Ukrainën është ndër më të mëdhatë. Tani, Ukraina mund të përballet me një zgjedhje shumë të vështirë: ose ta humbë dinjitetin ose të rrezikojë ta humbë një partner të madh”, tha ai.