Në këtë kohë pandemie kur shumica e bizneseve në vendin tonë po luftojnë për mbijetesë, disa prej familjarëve të politikanëve duket se jo vetëm që nuk janë prekur, por kanë edhe mundësi financiare të shpenzojnë për investime luksi. Një rast i tillë është ai Erion Isufit, kunatit të kryetarit të Partisë Demokratike, Lulzim Basha. Pavarësisht se Basha deklaron përditë se biznesmenët e ndershëm po rënohen nga politikat e qeverisë Rama dhe se po pasurohen vetëm një grup oligarkësh të lidhur me kryeministrin, mesa duket kunatit të kreut të opozitës po i ecën biznesi edhe në këto kushte të vështira.