Zbulohet formularët e deklarimit të pasurisë nga 140 deputetët, që janë dorëzuar tashmë në Inspektoriatin e Lartë të Deklarimit dhe kontrollit të pasurive dhe konfliktit të interesit. Nga verifikimi i formularit të Kryeministrit rezulton se Edi Rama ka bilanc negativ në llogarinë bankare në vitin 2020. Gjendja në llogarinë e kreut të qeverisë është pakësuar me 511 mijë lekë. Gjatë vitit 2020, që ka qenë edhe viti i pandemisë, Edi Rama ka fituar 1 milion e 800 mijë. Por kryeministri duket se ka humbur “betejën” artistike me të birin, Gregor Rama. Nga formulari që ka plotësuar kryeministri dhe familja e tij rezulton se i biri, Gregor Rama, ka fituar 25 mijë euro nga shitja e pikturave. Më e pasur në familjen e Kryeministrit rezulton bashkëshortja, Linda Rama. Ajo disponon 7.7 milion lekë në llogarinë e saj.