Policia e Shkodrës ka arrestuar 26-vjeçarin me iniciale Xh. M. i cili ka ndihmuar 3 autorët e tjerë, në vrasjen Elis Rrashkadolit, të ndodhur pak ditë më parë në një lokal në lagjen ‘Ahmet Haxhia’. 26-vjeçari akuzohet për veprat penale “Sigurimi i kushteve dhe i mjeteve materiale për të kryer vrasje”, “Veprime që pëngojnë zbulimin e së vërtetës” dhe “Trafikimi i mjeteve motorike”, kryer në bashkëpuni. Sakaq, uniformat blu bëjnë me dije se po punohet edhe për kapjen e 3 autorëvë të tjerë të përshirë në vrasje, të cilët janë identifikuar. 3 autorët akuzohen për veprat penale “Vrasja me paramendim”, “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Trafikimi i mjeteve motorike”, kryer në bashkëpunim.