Tre persona janë vënë nën hetim për zënie të hapësirës publike në Dhërmi. Me ardhjen e sezonit të plazhit, ata kanë vendosur struktura pa leje me qëllim zënien e hapësirës së rërës. Bëhet fjalë për tre shtetas të moshës 43, 44 dhe 45 vjec, dosjet hetimore të të cilëve tani janë në duart e prokurorisë së rrethit gjyqësor vlorë. Sipas një njoftimi zyrtar, tre shtetasit po procedohen në gjendje të lirë për veprën penale Pushtim i tokës. Specialistët për Hetimin e Krimeve në Komisariatin e Policisë Himarë, në kuafër të punës për evidentimin dhe ndëshkimin e atyre personave që zaptojnë hapsirën publike, proceduan në gjendje të lirë shtetasin me inicialet A.K, 45 vjec, pasi kishte zënë hapësirën publike në vendin e quajtur Havana e Re, në dhërmi, duke ngritur një skelet hekuri pa leje. Një tjetër shtetas, me inicialet AB, 44 vjec, pasi kishte zënë hapësirën publike po në dhërmi duke vendosur një strukturë prej druri ndërsa shtetasi E K 43 vjec, kishte zënë trotuarin në Dhërmi.