Autoritetet në qytetin Kinez të Vuhanit do të nisin testimin e gjithë popullatës pas disa rasteve pozitive me koronavirus të pikasura atje./ Vuhani ka regjistruar shtatë raste të transmetuara lokalisht, që janë edhe infektimet e para lokale në më shumë se një vit. Qyteti me 11 milionë banorë u vu në qendër të vëmendjes pasi koronavirusi u pikas atje së pari në 2019. Kina aktualisht po sheh shpërthimin më të madh në disa muaj, me 300 raste të konfirmuara në 10 ditë. Disa nga 15 provincat në vend janë prekur, cka ka bërë që qeveria të marrë masa për testim masiv dhe kufizime të tjera. Autoritetet ia kanë atribuar përhapjen e virusit variantit shumë infektues Delta dhe sezonit të brendshëm turistik. Njoftimi për testimin e gjithë popullatës në Vuhan erdhi ndërsa kina raportoi 90 raste të reja të virusit të martën.