Presidenti amerikan, Donald Trump ka thënë se Iranin mund ta shkatërrojnë brenda një nate, e sipas tij, ajo natë mund të jetë e marta nëse nuk arrihet një marrëveshje deri në orën 20:00 për hapjen e Ngushticës së Hormuzit. Kur u pyet për refuzimin që i bëri Teherani planit të fundit për armëpushim, ai është treguar sërish i ashpër në konferencën për media duke thënë se do të “lëshojë ferrin” mbi Iran nëse Ngushtica nuk hapet. Trump ka thënë gjithashtu se SHBA-ja ka një partner aktiv dhe të gatshëm për negociata. “Nuk mund të flas për armëpushim. Por mund t’ju them se kemi një pjesëmarrës aktiv dhe të gatshëm në anën tjetër. Ata do të donin të arrinin një marrëveshje. Janë bërë hapa para, por jo mjaftueshëm. Por nuk mund të them më më shumë se kaq për mënyrën se si po ecin bisedimet” I pyetur për kërcënimin e tij për të bombarduar centralet dhe urat, Trump është përgjigjur duke thënë se “shpreson që nuk do të ketë nevojë t’i bombardojë, por nëse marrëveshja nuk arrihet, atëherë Irani mund të zhduket brenda natës dhe ajo natë mund të jetë të martën.”.