Lulzim Basha depozitoi në gjykatën e artë rekursin për vulën e Partisë Demokratike Me anë të një postimi në facebook, Basha shprehet se grupimi që ai drejton nuk do të pranojë paligjshmërinë dhe as nuk do lejojë që padrejtësia të triumfojë. Ai thekson se vlerat themelore të demokratëve nuk mund të tregtohen në pazarin e hallexhinjve të SPAK, sipas tij, partia demokratike nuk mund të jetë streha e problemeve personale të një individi në konflikt me perëndimin. “Vlerat themelore të demokratëve nuk mund të tregtohen në pazarin e hallexhinjve të SPAK, partia e parë properëndimore e Shqipërisë nuk mund të jetë streha e problemeve personale të një individi në konflikt me perëndimin, votat e demokratëve nuk mund të përdoren për allishverishet mes qeverisë dhe teatëropozitës për t’i dhuruar pushtetin në tavolinë Ramës, duke mbyllur listat dhe duke shkatërruar Reformën Zgjedhore. Shqipëria meriton më shumë.”, shkruan Basha. Ndërkohë pas këtij vendimi, sekretari ligjor Indrit Sefa njoftoi largimin nga grupi Basha duke mbyllur dhe rrugëtimin e tij politik.