Një 48-vjeçar është ekstraduar nga Spanja drejt Shqipërisë, pasi rezultonte në kërkim ndërkombëtar. Robert Isakut i ishte caktuar masa “arrest me burg” nga Gjykata e Dibrës për veprën penale “Shkatërrimi i pronës me eksploziv”, pasi në qershor të vitit 2018 i vuri eksploziv një automjet në Bulqizë. Ngjarja ndodhi në ambientet e një lavazhi në qytetin e Bulqizës, teksa automjeti tip “Audi” ishte në pronësi të një personi tjetër, por përdorej nga pronari i lavazhit ku edhe ndodhi shpërthimi. Nga shpërthimi pati vetëm dëme materiale.