Presidentja e Kosovës, Vjosa Osmani hodhi akuza ndaj homologut serb Aleksandër Vucic, duke thënë se ai po shkatërron gjithcka që është arritur deri më sot për paqen dhe lirinë, mes Shte teve të Bashkuara dhe Bashkimit Evropian. Përmes një postimi në plaftmormë X, Osmani tha se veprime të Vucic, vijnë pas dy dekadave kur Sllobodan Millosheviq kishte shkatërruar Kroacinë, Bosnjën dhe Hercegovinën dhe Kosovën. “Mbi 2 dekada pasi Millosheviqi shkatërroi Kroacinë, Bosnjën dhe Hercegovinën dhe Kosovën…. Vuçiq tani po përpiqet të shkatërroj gjithçka që kemi arritur së bashku me SHBA dhe BE për paqen, lirinë dhe bashkëjetesën mes bashkësive të ndryshme. Ne do të punojmë me aleatët tanë dhe nuk do të lejojmë që këto arritje të zhbëhen. Liria do të mbizotërojë”, deklaroi presidentja. Shtetet e Bashkuara më herët i bëën thirrje Serbisë të largojë trupat ushtarëkë nga veriu I Kosovës dhe të mos nxisë më shumë tensione. Lidhur me ngjarjet më të fundit në veriun e Kosovës, Osmani zhvilloi një takim me Ministrin e Punëve të Brendshme, Xhelal Sveçla dhe drejtorin e përgjithshëm të Policisë së Kosovës, kolonel Gazmend Hoxha, me të cilët bisedoi për siguruinë dhe veprimet armiqësore të Serbisë ndaj Kosovës. Osmani ka theksuar se Kosova mbetet e përkushtuar për paqe dhe siguri në vend e rajon dhe se institucionet e Kosovës do të veprojnë në partneritet të ngushtë me aleatët në mbrojtje të integritetit dhe sovranitetit territorial të Kosovës përballë veprimeve destabilizuese të Serbisë kundër Kosovës.