Presidenti i Haitit, Jovenel Moise, u qëllua dhe u vra në shtëpinë e tij, njoftoi të mërkurën Kryeministri i përkohshëm Claude Joseph. Rezidenca e presidentit ka dhënë gjithashtu një deklaratë të mërkurën duke thënë se sulmi ndodhi rreth orës 1 të mëngjesit dhe se zonja e parë u plagos gjithashtu në sulm,. Deklarata e Joseph nuk identifikoi sulmuesit, por tha se ata flisnin spanjisht. Gjuhët kryesore që fliten në Haiti janë kreole haitiane dhe frengjishtja. Sulmi ndaj Moise pasoi vitet e protestave kundër qeverisë së tij dhe që kërkonin dorëheqjen e tij. Moise ka shërbyer si president i Haitit që nga Shkurti 2017. Kryeministri Joseph e dënoi atë që ai e quajti një “akt të urryer, çnjerëzor dhe barbar”, duke shtuar se Policia Kombëtare e Haitit dhe autoritetet e tjera kishin situatën në vendin e Karaibeve nën kontroll.