Top News – Vritet drejtuesi i Shtetit Islamik / Macron: U neutralizua nga forcat franceze në Sahara

Franca ka thënë se ushtria e saj e ka vrarë udhëheqësin e grupit ekstremist Shteti Islamik në Sahara. Presidenti i Francës, Emmanuel Macron tha se Adnan Abu Ëalid al-Sahraëi "u neutralizua nga forcat franceze"."Ky është një sukses tjetër i madh në luftën tonë kundër grupeve terroriste në Sahel", tha Macron përmes një postimi në rrjetin social Tëitter. Franca nuk njoftoi për lokacionin dhe kohën se kur u vra al-Sahraëi. Shteti Islamik në Saharanë e Madhe vepron në ish-kolonitë franceze të Burkina Fasos, Malit dhe Nigerit. Militantët në këto vende shënjestrojnë forcat e sigurisë dhe civilët. Al-Sahraëi kishte marrë përgjegjësinë për një sulm të vitit 2017 që la të vrarë katër ushtarakë amerikanë dhe katër pjesëtarë të ushtrisë së Nigerit. Në gusht të vitit 2020, Sahraëi personalisht urdhëroi vrasjen e gjashtë punonjësve humanitarë francezë dhe shoferit të tyre nigerian. Franca mban në rajonin e Sahelit rreth 5 mijë trupa që luftojnë grupet terroriste. Ata janë vendosur atje që kur ndodhi një grusht shteti në Mali më 2012, që nxiti kryengritjen islamike në veri. Megjithatë në fillim të këtij viti Franca njoftoi se ka në plan të zvogëlojë atë forcë në 2,500 deri në 3,000 trupa në vitet e ardhshme.