Më shumë se 70 ushtarë ukrainas janë vrarë në qytetin lindor Okhturka pas një sulmi me raketa të rusisë mbi një bazë ushtarake e kjo besohet se ëhstë humbja më e madhe e jetëve në një incident të vetëm në pushtimin e moskës. Bilanci i viktimave, i raportuar nga zyrtarët ukrainës në qytet, pason një intensifikim të ri të bombardimeve ruse mbi qytetet ukrainase, përfshirë përdorimin e sistemeve të lëshimit të shumëfishtë të raketave kundër zonave civile cka ka bërë që të rriten viktimat. Lufta ruse në Ukrainë ka hyrë në ditën e gjashtë me raportimet se ushtria ruse ka hyrë në qytetin ukrainas Kerson, dhe se një autokolonë e gjatë është nisur drejt Kievit. Pamjet satelitore kanë shfaqur një autokolonë ruse të gjatë më shumë se 65 kilometra, çka shihet si përpjekje për të rrethuar edhe marrë kontrollin e kryeqytetit ukrainas. Këto zhvillime kanë ardhur pas bisedimeve për armëpushim që janë zhvilluar mes zyrtarëve ukrainas dhe atyre rusë një ditë më parë.