Vrima në ozon që krijohet cdo vit mbi polin e jugut, është tani më e madhe se antarktida, thonë shkencëtarët e shërbimit të monitorimit evropian Copernikus, të Bashkimit evropian. Ozoni cahet dhe krijon një vrimë mbi antarktidë, në pranverën e hemisferës jugore që nis nga gushti në tetor. Ajo zakonisht arrin përmasat më të mëdha mes mesit të shtatorit dhe mesit të tetorit. Pasi u rrit në mënyrë të konsiderueshme javën e shkuar, vrima tani është më e madhe se 75 për qind e vrimave të ozonit të viteve të kaluara në të njëjtën fazë të sezonit që nga 1979 dhe është tani edhe më e madhe se kontinenti mbi të cilin qëndron. Vrima, vitin e kaluar, nisi po ashtu të hapej papritur në shtator, por më pas u kthye në një nga vrimat e ozonit më jetëgjata që kur regjistrimi i të dhënave ka filluar. Shtresa e ozonit që ndodhet mes 14 dhe 35 km mbi tokë, mbron planetin nga rrezatimi ultraviolet. Vrima në hemisferën jugore, zakonisht shkaktohet nga kimikate si klori etj, që arrijnë stratosferën dhe krijojnë reagime katalitike gjatë dimrit në antarktidë.