Daniel Pepa, autori i dyshuar i vrasjes së Florjan Paluçit, në ngjarjen e ndodhur në orët e para të datës 22 tetor, është vetëdorëzuar në polici. 21-vjeçarit i është komunikuar masat e sigurisë arrest me burg, sipas vendimit të gjykatës së Durrësit, që e akuzon si një prej autorëve të dy vrasjeve që ndodhën në një pikë karburanti në qytetin e Manzës një muaj më parë. Konflikti nisi pas debate mes dy personave që kërkuan t’i shërbëhej kafe nga shtetasi Alteo Pepa, kamarier në këtë lokal. Ky i fundit është shprehur se e kishin të fikur ekspresin për shkak të orës së vonë, duke bërë që Aranit Kurti dhe Daniel Pepa të nisnin debatin. Në këtë moment, sipas kamerave të sigurisë që janë vëzhguar nga grupi hetimor, ka ndëryrë Florian Paluçi klient në këtë lokal i cili i ka dalë në mborjtje kamarierit dhe u është drejtuar dy personave të tjerë që flisnin mirë me Alteo Pepën. Sherri që nisi brenda lokalit u zhvendos në ambientet e jashtme në pikën e karburantit, ku Florjan Paluçi ka nxjerë armën e zjarrit duke lënë të plagosur 23 vjeçarin Aranit Kurtin. Nga hetimet është konstatuar se Daniel Pepa, shoku i Aranitit, ka marrë armën në automjet dhe ka qëlluar në drejtim të Florian Paluçit, duke e lënë të plagosur dhe më pas është larguar nga vendngjarja, që ndodhi rreth 50 metra larg postës së policisë së Manzës.