Një person është vënë në pranga nga policia e Tiranës pasi akuzohet për moskallëzim krimi. Bëhet fjalë për Orgest Drazhin, shokun e efektivit të policisë Arbër Sula, i cili vrau me armë zjarri 29 vjecarin Jurgen Duka në mesnatë, në rrugën Irfan Tomini në Tiranë. Sipas polcisë Drazhi ka qenë prezent në vendin e ngjajres dhe ka zgjedhur të mos kallëzojë krimin e rëndë. Ngjarja u regjistrua në orën 12 e 20 mbrëmjen e së hënës. Jurgen Duka dhe efektivi I polciisë së Dibrës Arbër Sula, bashkë më dy persona të tjerë ishin në market dhe filluan të konfiktoheshin për rradhën e pagesës në kasë. Pas debatit me fjalë ata u përlasën edhe fizikisht, ndërsa Sula nxorri armën dhe qëlloi drejt 29 vjecarit. Polcia dhe ambulanca shkuan menjherë në vendngjarje, ku Duka u trasnportua me urgjencë në spital, por ndërroi jetë atje pas plagëve të marra në trup. Arbër Sula është në arrati, ndërsa policia dhe autoritetet përkatëse vijojnë punën për kapjen e tij.