Në disa pista po punon policia e kosovës për rastin e vrasjes së trefishtë që ndodhi në Gllogjan të Decanit. Ministri i brendshëm, Xhelal Svecla, tha se janë marrë informacione të ndryshme për rastin dhe se ato po trajtohen me kujdes nga ana e policisë. “Mund të deklarojë se tashmë kemi informacione të ndryshme të ardhura në rrugë të ndryshme të cilat Policia e Kosovës nën direktivat e Prokurorisë është duke i trajtuar një për një. Janë duke u trajtuar disa pista të cilat të gjitha kapacitetet e Policisë janë duke i eliminuar apo duke i hetuar. Unë po ashtu nuk po them bëjë ftesë, unë bëjë ultimatum vrasësit që të dorëzohet për shkak se për çdo ditë ai rëndon të tjerët. Ministri Sveçla tha se janë në kontakt të vazhdueshëm me Prokurorinë dhe me AKI-në, në mënyrë që rasti të zbulohet sa më shpejt. Ndërkaq, drejtori i përgjithshëm i Policisë së Kosovës, Samedin Mehmeti, tha se aktualisht janë duke bërë ekzaminimet, pastrimi i terrenit dhe shikimi i detajuar i rrethanave të ngjarjes. Ai tha se sipas dyshimeve fillestare vepra është kryer nga një person i vetëm por nuk përjashtohet mundësia e implikimit të disa personave. Ndërkohë që është ende herët sipas tij të flitet për motivet. Ndërsa kryetari i Komunës së Decanit, Bashkim Ramosaj ftoi qytetarët të bashkëpunojnë me organet e drejtësisë për të zbardhur rastin.