Kjo e dielë, 20 shkurt, shënon 10 vite të ndarjes nga jeta të kapitenit Feti Voglit, I cili u vra në krye të detyrës gjatë shërbimit të tij në një mision paqësor në Kandahar të Afganistanit në shkurt të vitit 2012. Ndërsa e gjitha bota po monitoron situatën e lëkundur të dy vendeve Rusi-Ukrainë, ushatarakët shqiptarë kanë sjellë vëmendjen te vrasja e Voglit. Ky i fundit kishte marrë një komandë për të shoëqruar një zyrtare amerikane gjatë vizitës së saj në një spital dhe shkollë. Fehti Vogli u qëllua me armë zjarri nga një ushtarak afganas, ku nga plagët e rënda nuk mundi të mbijetonte dhe ndërroi jetë. Përvec Voglit dy ushtarë të tjerë, kolegë të tij, mbetën të plagosur. Nga informacionet e aso kohe u tha se agresori që qëlloi drejt tyre ishte një prej shumë të infiltruarve nga Talebanët në ushtrinë e Afganistanit. Vogli u qëllua me dy plumba, një në qafë dhe një tjetër zuri radion që mbante në trup. Kapiten Vogli u shpall dëshmor i Atdheut në vitin 2012, ndërsa trupi i tij prehet në varrezat e dëshmorëve të Kombit.