Prokuroria e Tiranës do të kryejë edhe një verifikim të fundit për të zbuluar zbardhjen e motivit të vrasjes së të riut Klodian Rasha nga polici Nevaldo Hajdaraj dhe për të hedhur dritë nëse ata njiheshin më parë apo jo. Nga burimet mësohet se hetimet janë drejt fundit dhe se çështja është në fazën e zbulueshmerisë së motivit të ngjarjes. Prokuroria ka marrë indicie se viktima dhe polici Nevaldo Hajdaraj njiheshin me njëri-tjetrin. Prokuroria do të pyesë shokë të viktimës për të mësuar shkakun dhe motivin e vrasjes. polici I ‘Shqiponjave’ i akuzuar për vrasje me dashje, gjatë dhënies së dëshmisë e ka mohuar njohjen me Klodian Rrashën. Kualifikimi i kësaj akuze kërkon motivin apo shkakun e vrasjes. Verifikimi nëse kishin njohje apo jo është veprimi i fundit hetimor përpara se t’i dorëzohet gjykatës. Ndërkohë familjarët e Rashës kane marrë avokat për të monitoruar procesin hetimor.