Vrasja e futbollistit 23 vjeçar Gledis Kraja mbremjen e se henes ka tronditur qytetin e Shkodres. Policia e Shkodres po vijon ne menyre intensive hetimet, por ende nuk ka nje motiv te qarte per krimin e rende. Nderkohe autor i dyshuar i ngjarjes eshte Sebastajn Smakaj, i cili është shpallur në kërkim së bashku me të vëllanë Stjuart Smakaj, që ishte shok i ngushtë me viktimën. Dyshohet se Stjuart Smakaj ka qenë bashkëpunëtor i të vëllait në vrasjen e 23 vjeçarit. Viktima fillimisht mbeti i plagosur dhe ndërroi jetë në sp italin rajonal të Shkodrës për shkak të plagëve të marra, pasi ishte qelluar me 4 plumba. Ngjarja e rëndë ndodhi mbrëmjen e djeshme në rrethana ende të paqarta. Sipas Policisë, ngjarja e rëndë është regjistruar në lagjen “Daniel Matlija”, pranë një marketi dhe dyshohet se arma e përdorur është kallashnikov. Viktima Gledis Kraja ishte i regjistruar në faqen zyrtare të FSHF-së, ndërsa vendlindja e tij është Lezha. Autori i dyshuar i ngjarjes, Sebastjan Smakaj ishte edhe ky sportist dhe ishte shpallur kampion i “Taekwondo” për peshën 80 kg në vitin 2015, si pjesë e klubit “Vllaznia Taekwondo”.