Detaje të reja janë zbardhur nga ngjarja e rëndë e regjistruar mbrëmjen e se henes në Mekat të Vlorës, ku Genci Koreta vrau xhaxhanë e tij Jorgji Koretën e më pas veten. Jorgji Koreta jetonte në Vlorë, por në fshat kishte tokat e mbjella me ulinj. Burime nga uniformat blu bëjnë me dije se shkaqet qe çan ne ngjarjen e rende janë ende të paqarta, megjithese dyshohet se konflikti ka nisur për ndarjen e parceles me ullinj. Fillimisht ka pasur jnë konflikt verbal, i cili më pas ka degjeneruar në përdorimin e pushkës nga ana e Genci Koretës. Ekspertët kanë mundur të ndërtojnë dhe dinamikën e ngjarjes, pas përplasjes verbale, Genci ka shkuar brenda në banesë dhe ka marrë armën e gjahut. Ai goditi fillimisht xhaxhanë ku plumbi e kapi në kokë e më pas vrau veten. Arma e përdorur ishte pa lejen përkatëse, por ishte në përdorim nga autori. Autori Genci Koreta ka jetuar në Greqi e më pas është kthyer në vendin tonë, ku banonte në fshatin Mekat. Në komisariat janë shoqëruar 15 persona të cilët kanë dhënë informacione rreth ngjarjes në fjalë.